Ghörts & Erläbts

von

I de erschte Johre vom letschte Jahrhundert het der Grossvater es Burehus im Mitteldorf kauft. Er het welle hürote und will au si Brueder het welle hürote, wär de s Elterehus im Unterdorf eifach z chli gsi. Am Anfang isch das Hus halt für die no nit allzugrossi Familie scho noch chli z gross gsi und so isch er of die Idee cho, me chönnti jo es Zimmer vermiete. De chämi au no e chli Gäld ine, wo me jo immer cha bruche. Also guet, will der Grossvater au noch der Posthalter gsi isch, het er do gli einisch e Interessäntin gha, wo es Zimmer gsuecht het, wo so priswärt gsi isch, dass sie es au het chönne zahle.S Ottili.S hinterschte Zimmer, es chalts und ungheiztes Zimmer in erschte Stock isch das gsi. Und me hätti dört au e kei Chilter chönne mit ufe näh, denn die uralte Holzstäge het erbärmlich gieret, dass me es im ganze Hus ghört het, wenn öpper ufe oder abe gange isch. Geschrieben in Schweizer Mundart