Di klooker foon Rängstuft – Der Glöckner von Ringstoft

von

Eeftert abi begant Menno ma sin Friwali Sosjaal Iir önj dåt histoorisch boogprojäkt Rängstuft. Da manschne deer årbe önj üülje beruufe än laawe uk aw di stoun. Tu Menno sin däikerdäis düünjs hiirt dåt raingen foon e schörkeklook. Gliks tu önjfång wiset küster Arnim ham aw en „ünschraawen gesäts“ haane: Di schörketörn mötj bloot betrin wårde, wan di klooker deer ma bai as! Boowen önj e törn wårt Menno en apårti portree awt uuch woor, wat ham aw en ünhiimliken wise önjtukiiken schint. Uk önj di boogtrakt foont preesterhüs fäiltʼr ham ai gödj. Snüft ham wälj san mabooger Thaddäus eefter unti asʼt Heino, di kanidoot, aw di gung näistiinj? Biise wiseʼs jam oueremätje hili; haane tu jü Rängstufting lååsparty wanʼs fiir än iinj ai. Di iinjsiste schörkemaårber, wat ham schints tu jü party fröit, as Basti, di hordtünster. Ma ham drainkt Menno am eenmen win än önjtgungt deerdöör sin iinjsoomhäid. Bål stååt di junge FSI-moon bait snüken önj jü Swäminger stääsbibleteek aw di regionååle sooge foon di klookenstiinj. Eeftert seeden schal di stiinj ma en ferbreegen önj ferbining stönje. Ham ouerkamt en säär gefäil, dåt dåt tääl wäär weese köö! Tuhuupe ma jü praktikantin Meri walʼr di sååge eefterspöre än mååget en erfååring, wat ham ferstiirt. Än deer kamt nuch mör aw ham tu…